Rebeli ekstravagant ka premtuar se do të pushtojë skenën, me ritmin e tij unikat, që ndihmohet nga dora e djathtë, kitaristi Steve Stevens.

Në grupin e tij janë edhe kitaristi Billy Morrison, basisti Stephen McGrath, klaviaturisti Derek Sherinian dhe bateristi Jeremy Colson.

Billy Idol ka realizuar 12 albume, ndërsa është autor i hiteve si “White Wedding”, “Cradle of Love” e “Rebell Yell”. Rokeri britanik bëri emër në SHBA gjatë viteve të tetëdhjeta. Me një karrierë prej 30 vitesh, Idol ka shitur më shumë se 70 milionë kopje të albumeve anembanë botës.